Argëtimi i sotëm, punësim në të ardhmen!

Komuna e Prizrenit në bashkëpunim me Agjencia e Punësimit të Republikës së Kosovës, të mbështetura nga Qeveria Gjermane përmes GIZ Kosova, do të sjellin 20-35 të rijnë për të ndarë mes vete përvojat, me theks të veçantë në aktivitetet për orientimin në karrierë.
Kampi veror do të ketë karakter edukativo-sportiv dhe do t`ju udhëzoj përmes përmbajtjeve të ndryshme trajnuese – nga puna në grupe në inpute praktike për punësim, nga aftësitë e të shkruarit tek aftësitë për prezantim, nga salla për trajnim tek terrenet sportive dhe natyra.
Kampi veror synon të mbështesë të rinjtë që të marrin vendime të informuara për karrierat e tyre të ardhshme dhe të përmirësojnë punsueshmërinë e të rinjve në Kosovë përmes të mësuarit të bazuar në aktivitete.

A jeni…?

•      Kureshtar për perspektivën tuaj në të ardhmen?
•      Të etur që të mësoni në mënyrë aktive?
•      Kureshtar që të takoni miq të ri dhe të gatshëm të shkëmbeni përvojat tuaja?
•      Të interesuar që të zhvilloni CV-në, letrën motivuese dhe aftësitë tuaja prezantuese?
•      Të gatshëm për përvoja të reja sportive?
•      Të prirur që të thelloni aftësitë tuaja personale dhe profesionale?

Nëse po, atëherë aplikoni në kampin veror 2023 duke plotësuar formularin më poshtë  ⬇

Kush mund të përfitoj?

•      Të rinjtë e moshës 18-25 vjeçare;
•      Të rinjtë nga Komuna e Prizrenit dhe komunat në këtë rajon
•      Të rinjtë e papunësuar dhe që nuk janë duke ndjekur shkollimin apo trajnimin (inkurajohen të aplikojnë  gratë, pjesëtarët e minoriteteve, të kthyerit dhe grupet e cenueshme);
•      Të jenë të gatshëm të regjistrohen në Zyrën e Punësimit.

Gjithashtu inkurajojmë gratë, pjestarët e minoriteteve, të kthyerit dhe grupet e cenueshme të aplikojnë.

Kur dhe ku?

•      Në Prizren nga 30 Gusht – 1 shtator 2023 tek Parku i Trajnimeve për Inovacion, Prizren  (Innovation Training Park – ITP)

📢Afati për aplikim është i hapur deri me datën 24 Gusht

Informata shtesë në lidhje me organizimin:
Të gjitha shpenzimet janë të mbuluara nga organizatori që përfshijnë akomodimin, ushqimin si dhe sigurimin e transportit.

Aplikoni këtu:https://forms.gle/YUdiVmTewZTX7JYV7