Universiteti “Ukshin Hoti” Prizren ka nënshkruar protokoll bashkëpunimi me Universitetin Gazi në Turqi. Protokolli parashikon vazhdimin e mobilitetit të stafit akademik, administrativ dhe studentëve, si dhe bashkëpunimin në fushat e arsimit të lartë, trajnimeve dhe marrëveshjet Erasmus të nënshkruara ndërmjet dy universiteteve.

 

Ceremonia e nënshkrimit të protokollit u zhvillua në sallën e re të Senatit dhe të Rektoratit të Universitetit Gazi në Turqi. Në ceremoni morën pjesë Rektori i Universitetit Gazi Prof. Dr. Musa Yıldız, Rektori i Universitetit “Ukshin Hoti” Prof. Asoc. Dr. Samedin Krarabaj, Kryetar i Këshillit Drejtues të Universitetit Prof. Asoc. Dr. Arif Murrja, nga Ministria e Arsimit, Shkencës, Teknologjisë dhe Inovacionit të Kosovës –  Inspektori i Arsimit Turk Orhan Volkan, Zëvendës Rektorët Prof. Dr. Ramazan Bayindir, Prof. Dr. Bekir Buluç, Koordinatori i Institucionit të Arsimit dhe Marrëdhënieve me Jashtë Prof. Dr. İhsan Kalenderoğlu, Dekani i Fakultetit të Shkencave Prof. Dr. Suat Kıyak, Zëvendësdekani Prof. Dr. Elif Logoglu, Prof. Dr. H. Hasan Örkcü, Koordinator i Fakultetit Erasmus Prof. Dr. Bülent Çelik, Asistent Koordinator i Fakultetit Erasmus Assoc. Dr. Mine Türktaş, Asistent Koordinatore e Institucionit për Arsim-Trajnim dhe Marrëdhënie me Jashtë Assoc. Dr. Selcen Aslıhan Bingöl dhe Zëvendës Sekretari i Përgjithshëm Dr. Ragip Akyurek.

Rektorët e dy universiteteve e vlerësuan lartë vazhdimin e bashkëpunimit që është në interesat të stafit dhe studentëve të dy institucioneve.