Universiteti “Ukshin Hoti” në Prizren hap thirrje për shprehje interesi për angazhimin e dymbëdhjetë (12) studentëve për asistimin në Konferencën Ndërkombëtare ‘’BRIDGE 2023’’.

Me qëllim të mbarëvajtjes së aktiviteteve në kuadër të organizimit të Konferencës ’’ BRIDGE 2023’’, e cila do të mbahet më 9 dhe 10 nëntor 2023, Universiteti “Ukshin Hoti” në Prizren, hap thirrje për shprehje interesi për angazhimin e dymbëdhjetë (12) studentëve, të cilët do të asistojnë në kryerjen e aktiviteteve ndihmëse.

1. Detyrat e studentëve të angazhuar:

• Pritja e pjesëmarrësve dhe orientimi i tyre në ceremoninë e hapjes së Konferencës,
• Pritja e pjesëmarrësve dhe orientimi i tyre në sallat e mbajtjes së sesioneve,
• Asistimi në përdorimin e pajisjeve teknike dhe teknologjike,
• Ofrimi i ndihmës në dhënien e informacioneve për pjesëmarrësit.

2. Kriteret e përzgjedhjes së studentëve:

• Të jenë në vitin e fundit të studimeve,
• Të kenë notën mesatare mbi 9.00,
• Të kenë njohuri të gjuhës angleze,
• Të kenë aftësi të komunikimit.

3. Dokumentet e aplikimit:

• Kërkesa,
• Vërtetimi që jeni në vitin e fundit të studimeve,
• Certifikata e notave

4. Angazhimi do të jetë dyditor (data 9 dhe 10 nëntor),
5. Pagesa : 50 euro për student,
6. Aplikimi: Dokumentet për aplikim duhet të dorëzohen në Zyrën e Protokollit nr. 308, në objektin e Rektoratit nga data 01.11.2023 deri më 07.11.2023, në ora 11.00.

Këshilli Organizativ i Konferencës ’’BRIDGE 2023’’.